Da se ne pozabi: Mučićeve maškare

Ono ča je za celi svet nekada bil karneval va Rije, va Venecije, al ča nan danas znači Rečki karneval, 60-eh let pasanega stoljeća va našen kraje to je bil dan kada su Mučićevi zvončari i maškare šli storit užancu.

Na pusnu nedeju ste, osim zvončari za keh se već dobro zna da su to krepki i jaki muški, mogli videt i maškare. I to ne kakove god. 

Maškare z porukun. Maškare ke su govorile od sebe, od bližega i dajega sveta, ke su se dotaknule onega ča sakega čoveka najviše tišći, a pokazale su to na svoj poseban i svojstven način, baš kako maškaran priliči - duhovito, humoristično, smešno, iskreno i veselo.

Kakovo je to bilo vreme, povezanost i zajedništvo seh judi, povedaju nan Ivo Varljen Šepotov, Boris Ćiković i Mladenka Kovačević Šepotova, poslušajte: