"Niš leh trdo ča": veseli kastavski mjuzikl na Crekvini

"Niš leh trdo ča" mjuzikl je ki promovira lepoti i užanci Grada Kastva, mej kemi je na prven meste naš zajik. Cela radnja vrti se okol nedeluti, sina ki se j' škometil z ocon, dobil zadaću dočekat kurijeru punu turisti i pokazat njin Grad Kastav.

Pomutnja se dogodi kad turisti ki povedaju saki na svojen zajike provaju poćakulat z sinon ki ne ume govorit nikako leh po domaći. Smešican ke se dogajaju va momenteh kad turisti prihajaju van z kurijeri i modu na ki se sin mora snać da bi njin objasnil kamo rabe poć, kumovala j' već sen dobro poznata glumačka ekipa ka j' ovisti put z gušton i zakantala.

Gluma, kanat, tanac, sopnjada, mladi, stari, najmanji, najveći, domaće, strano, cel svet va jenoj besede - cirkus. Tako smo se mi si skupa namerili dobro naškercat pred Vami, pak Vas komać čekamo videt na najlepčoj zvezdanoj Crekvine, a do onda judi moji "Niš leh trdo ča".

Tako je najavljena premijera veselog kastavskog mjuzikla, zakazana za četvrtak 5. srpnja, o čemu s autoricom teksta i redateljicom Tajanom Dukić razgovara Gloria Fabijanić Jelović - poslušajte: