Kako je Dule zbog Balinjerade završil na sudu?

Pišeš mi da biš opet otela čut kako kantaju kosići, pišeš mi da biš…

I tako našemu Dule već let i let pišu, si oni ki vole našo Ča, našu domaću besedu, na ken god kraje sveta bili, aš ovaj Nono (namjerno z velen slovon) Ča-roka, čovek je ki je zaslužan ča se je našo ča probilo va saki kantunić našega živjenja.

Aktivan je na sto kraji, ne miruje, kanta, sope, ima energije i more se pohvalit da bi i veštid od ženidbi još mogal obuć!

Ča nan je se Duško Jeličić Dule povedel, čujte va današnjoj emisiji. I uživajte va lete!